ஏப்ரல் 17-18: அவுஸ்திரேலியாவில் வட்டுக்கோட்டை தீர்மானம் கருத்துக்கணிப்பு

read more

பிரான்ஸ் தமிழீழ மக்கள் பேரவை அறிவித்தல்

read more

இத்தாலியில் வாக்கெடுப்பு: 21.03.2010

read more

இத்தாலியில் வட்டுக்கோட்டைத்தீர்மானத்திற்கான மீள் வாக்கெடுப்பு.

read more

அன்பான டென்மார்க், இத்தாலி வாழ் தமிழீழ மக்களே!

வட்டுக்கோட்டைத்தீர்மானத்தின் மீள்உறுதிப்படுத்தும் கருத்துக்கணிப்பு தேர்தல் எதிர்வரும் 28ம் திகதியில் டென்மார்க்கிலும், அதனைத்தொடர்ந்து இத்தாலி நாட்டில் நடைபெறவிருக்கும் மாபெரும் இலட்சிய தமிழரின் பெருவிருப்பம், வெற்றியளிக்க பிரான்சு வாழ் தமிழ்மக்கள் தமது இதயபூர்வமான வாழ்த்துதல்களை முதற்கண் தெரிவித்துக்கொள்கின்றது.

உலகத்தின் எந்தவொரு மூலைக்கு சென்றாலும் தமிழீழ மக்களாகிய எமது பெருவிருப்பம் தமிழீழத் தாயகமே என்பதை மீண்டும் ஒருமுறை சனநாயக வழித்தேர்தல் மூலம் சர்வதேசத்திற்கு சொல்கின்றோம். அந்த உண்மைச்செயற்பாட்டினை முதன்முதலில் பிரான்சு நாட்டில் முன்னெடுத்து அதற்கடுத்ததாக நோர்வே நாட்டிலும் மீண்டும் பிரான்சு நாட்டிலும், அதனைத் தொடர்ந்து இன்று உலகம் முழுவதும் தமிழர்கள் பரந்து வாழும் நாடுகளில் எல்லாம் ஓருமித்த குரலில் தமது வாக்களிப்பு மூலம் உலகத்திற்கு சொல்லப்பட்டுவிட்டது. இந்த வகையில் எதிர்வரும் 28ம் திகதி டென்மார்க்கிலும், அதனைத் தொடர்ந்து இத்தாலியிலும் நடைபெறவுள்ளதும் அதற்கான ஆதரவுகளை அங்குள்ள அரசும், அரசசார்பற்ற அமைப்புக்களும் வழங்குவது இன்னும் எமது இலட்சியத்தாகத்திற்கு வலிமை சேர்ப்பதாக அமைகின்றது.

கடந்த காலங்களில் தமிழீழ மக்களின் இனப்பிரச்சனையில் நடைபெற்று வந்த பேச்சுவார்த்தைகளில் டென்மார்க் அரசும், அங்கு வாழும் தமிழ்மக்களும் காத்திரமான பங்கை வகித்திருக்கின்றனர். அதேபோலவே இத்தாலி நாட்டிலும் அங்கு வாழும் சிங்களப் பெருன்பான்மையானவர்களுக்கு ( சிறீலங்காவுக்கு அடுத்தபடியாக சிங்களவர்கள் அதிகம்வாழும் நாடு) மத்தியில் தமிழர்களின் உணர்வுகளை மதித்து சுனாமி அநர்த்த நேரத்தில் உடனடியான உதவியை தமிழீழ மக்களின் ஏகபிரதிநிதிகளான விடுதலைப்புலிகளிடம் கொண்டு சென்று வழங்கியதும், அவர்களை விருந்தினர்களாக தமது நாட்டு அழைத்து தமிழ்மக்களுக்கு உதவும் பல செயற்திட்டங்களை மேற்கொண்ட பெருமையும் இத்தாலிய நாட்டிற்கு சாரும்.

இந்த வகையில் டென்மார்க், இத்தாலி நாடுகளில் வாழும் தமிழீழ மக்கள் நடைபெறவிருக்கும் கருத்துக்கணிப்புத்தேர்தலில் ஏனைய நாடுகளில் எமது மக்கள் வழங்கிய ஆணையோடு தமது தாயகம் கொண்ட மனஎண்ணப்பாட்டினை தமது வாக்களிப்பின் மூலம் வழங்கி பெருமைசேர்ப்பார்கள். தாயகத்தில் இருக்கும் தமிழ் அரசியல் வாதிகளின் குழப்பமான இன்றைய சூழ்நிலையில் புலம்பெயர்ந்து வாழும் தமிழீழ மக்களின் உறுதியான சனநாயக வழி தெரிவிப்பிற்கு சர்வதேசம் பதில் சொல்லித்தான் ஆகவேண்டும். எனவே இந்த காத்திரமான நிலையை தமிழீழ மக்கள் நாம் உணர்ந்து ஒற்றுமையாக ஓரணியில் நின்று உரத்து குரலில் தமிழரின் தாகம் தமிழீழ தாயகமே என்று கூறுவோம், கரங்கொடுப்போம். வாக்களிப்போம், வெற்றிகொள்வோம்

பிரான்சு வாழ் தமிழீழ மக்களின் சார்பில்
தமிழீழ மக்கள் பேரவை – பிரான்சு

சுதந்திர தமிழீழத்துக்கான டென்மார்க் தழுவிய வாக்கெடுப்பு

read more

சுதந்திர தமிழீழத்துக்கான டென்மார்க் தழுவிய வாக்கெடுப்பு

பல நூற்றாண்டு காலம் மேற்கத்தேய ஆதிக்க சக்திகளாலும் கடந்த 62 ஆண்டுகளாக சிங்கள அரசாலும் அடிமைப்படுத்தப்பட்டு சொல்லொணா துயரங்களை அனுபவித்துவரும் தமிழீழமக்கள். தமது பூர்வீகமண்ணில் சுதந்திரமாக ஏனைய அனைத்துலக மக்கள் அனுபவிக்கும் உரிமைகளுடன் வாழ்வது அவர்கள் தமது பூர்வீக தாயகத்தில் மீள அமைக்கும் தமிழீழத் தனியரசில் தான் முடியும் என குடிநாயக வழியில் வரலாற்றுத் தீர்ப்பெழுதிய நோர்வே, பிரான்சு, கனடா, சுவிர்சலாந்து, ஜேர்மனி, நெதர்லாந்து மற்றும் பிரித்தானிய வாழ் தமிழீழமக்களைத் தொடர்ந்து. டென்மார்க் வாழ் தமிழீழமக்களும் வரும் 28ம் நாள் தமிழீழ தனியரசை வலியுறுத்தி வட்டுக்கோட்டைத் தீர்மானத்திற்கான வாக்கெடுப்பை நடாத்தவுள்ளனர்.

முள்ளிவாய்காலுடன் முடிந்துவிட்டது தமிழர்களின் தமிழீழக் கோரிக்கை என்றும் தமிழீழக்கோரிக்கை என்பது தனி ஒரு மனிதனின் கோரிக்கையெனவும் கொக்கரிக்கும் சிறீலங்கா அரசிற்கும் தமது சுய பிராந்திய நலனை மட்டும் கருத்தில் கொண்டுள்ள சில வல்லரசுகளுக்கும், தமிழ் மக்களின் குடிநாயக பிரதிநிதிகளென்ற புகழாரத்துடன் அம்மக்கள் வழங்கிய சுதந்திர தமிழீழத்திற்கான வட்டுக்கோட்டைத் தீர்மானமெனும் மக்களாணையை ஏற்றுக்கொள்ளாத சில அடிமை அரசியல்வாதிகளிற்கும் தமிழ்பேசும் ஈழத்துமக்களுக்கான ஓரே ஒரு பாதுகாப்பான தீர்வு சுதந்திர தமிழீழமே என குடிநாயக வழியில் இடித்துக்கூறவேண்டிய வரலாற்று கடமையை நாம் கொண்டுள்ளோம். எப்படி நோர்வே, பிரான்சு, கனடா, சுவிர்சலாந்து, ஜேர்மனி, நெதர்லாந்து மற்றும் பிரித்தானிய போன்ற நாடுகளில் இக்கருத்துக்கணிப்பு தமிழீழ மக்களின் ஆணையுடன் வெற்றிபெற்றதோ அதேபோன்று நாம் வாழும் டென்மார்க்; மண்ணிலும் அமோக வெற்றி பெறுமென்பது திண்ணம்.

தமிழீழக்கோரிக்கை என்பது 1977ம் ஆண்டு இலங்கைத்தீவின் அனைத்து தமிழ்பேசும் மக்களின் ஆணைபெற்ற கோரிக்கை என்பதை 2002ம் ஆண்டு தமிழீழ தேசியத்தலைவர் அவர்கள் கலந்துகொண்ட பத்திரகையாளர் சந்திப்பில் விரிவாக தமிழில் எடுத்துரைத்ததுடன் தமிழீழதேசத்தின் குரல் பாலாஅண்ணா ஆங்கிலத்திலும் எடுத்துரைத்திருந்தார்.

அத்துடன் தமிழ்பேசும் மக்களாகிய நாம் கடந்த பல தசாப்தங்களாக கோரிவரும் இறையாண்மையுடன் கூடிய சுயநிர்ணய உரிமையானது இவ்வுலகத்தால் மறுக்கமுடியாத கோரிக்கையாகும். ஆயினும் இன்றைய பூகோள அரசியலில் குருட்டுத்தனமான மதவாதிய பயங்கரவாத்திற்கும், நியாயமான சுயநிர்ணயத்துக்கான விடுதலைப்பேராட்டங்களுக்கும் உள்ள வேறுபாட்டை ஏற்றுக்கொள்ள மறுக்கும் அனைத்துலகம் நியாயமான சுயநிர்ணயத்துக்கான விடுதலைப்போராட்டங்களை தமது பூகோள நலன்களுக்காக பயங்கரவாதிகளென்று பச்சைகுத்தி அழிக்க முயலுகின்றார்கள் என்பது எமது போராட்டம் எமக்குணர்த்திய யதார்த்தமான உண்மையாகும்.

ஆயினும் கடலில் மிதக்கும் படகு நிலையாக எப்படி நிற்காதோ அதேபோன்று உலக அரசியலும் ஓரே பாதையில் செல்லாது. தமிழ் மக்கள் கொள்கையிலும் இலட்சியத்திலும் ஒன்றுபட்டு தமது தமிழீழத்திற்கான விருப்பை மீண்டும் அனைத்துலகம் தான் விளங்கிக்கொள்ளக் கூடிய பாதையென பறைசாற்றிக் கொண்டுள்ள குடிநாயகப் பாதையில் இடித்துக்கூற தமிழீழ மக்களாகிய நாம் தள்ளப்பட்டுள்ளோம்.

அதன் முதற்படியாகவே இவ் வட்டுக்கோட்டைத் தீர்மானத்தின் அடிப்படையில் சுதந்திர தமிழீழத்துக்கான வாக்கெடுப்பு நடாத்தப்படவுள்ளது. ஆகவே அனைத்து டென்மார்க் வாழ் தமிழ் பேசும் மக்களும் தவறாது கலந்துகொண்டு வாக்களிக்கவேண்டியது வரலாற்றுக் கடைமையாகிறது.
டென்மார்க்கின் 32 நகரங்களில் இந்த வாக்கெடுப்பு நடைபெறும்.

மேலதிக விபரமான தகவல்கள் விரைவில் தொடர்ச்சியாக எம்மால் எமது இணையத்தளத்தில் பதிவுசெய்யப்படும்.
தேர்தல் குழு டென்மார்க் தமிழர் பேரவை.
இணையத்தளம் : www.tamilvalg.dk

தேர்தல் குழு, டென்மார்க் தமிழர் பேரவை.
மேலதிக தொடர்புகளுக்கு : 52173671

read more

அவுஸ்த்திரேலியாவில் வட்டுக்கோட்டைத் தீர்மானத்தின்மீதான மீள் வாக்கெடுப்பு

ஈழத்தமிழர் புல்ம்பெயர்ந்து வாழும் தேசமெங்கிலும் அதிகரித்துவரும் மக்கள் எழுச்சியுடன் நடைபெற்றுவரும் சரித்திர முக்கியத்துவம் வாய்ந்த வட்டுக்கோட்டைத் தீர்மானத்தின் மீதான மீள்வாக்கெடுப்பூக்கள் இங்கு அவுஸ்த்திரேலியாவிலும் நடைபெறுவதற்கான ஏற்பாடுகள் மேற்கொள்ளப்பட்டு வருவதாக தேர்தல் ஏற்பாட்டுக்குழுவினர் அறிவித்துள்ளனர்.

சிட்னி, மெல்பேண், பிறிஸ்பேன், கன்பரா, பேத் மற்றும் அடெலெயிட் போன்ற முக்கிய நகரங்களில் வாக்குச் சாவடிகள் மூலமாகவும், தபால் வாக்குப்பதிவு மூலமாகவும் இக்கருத்துக்கணிப்பு நடைபெறுவதற்கான ஏற்பாடுகள் செய்யப்பட்டு வருகின்றன.

வருகிற சித்திரை மாதம் 17 ஆம், 18 ஆம் தேதிகளில் இவ்வாக்கெடுப்பு நடைபெறுவதற்கான ஏற்பாடுகளில் இதன் அமைப்பாளர்கள் ஈடுபட்டிருக்கின்றனர். இதன் முதல் படியாக இங்கே இயங்கும் சமூக வானொலிகள், பத்திரிக்கைகள், இணையத் தளங்கள் என்பவற்றில் இக்கருத்துக்கணிப்புப் பற்றிய அறிவித்தல்களும், கருத்துப் பகிர்வுகளும் இவ்வாரம் ஆரம்பிக்கப்பட்டிருக்கின்றன.

தேசிய உணர்வுடைய அதிகளவான தமிழர்கள் வாக்களிக்கக் கூடும் என்று எதிர்பார்க்கப்படும் இக்கருத்துக்கணிப்பை வெற்றிபெறச் செய்வது நம் ஒவ்வொருவரினதும் கடமையாகும். என்று தேர்தல் ஏற்பாட்டுக்குழுவால் வெளியிடப்பட்ட செய்திக்குறிப்பு தெரிவிக்கிறது.

read more

பிரித்தானிய கருத்துக்கணிப்பு வாக்களிப்பு நிலையங்களின் விபரம்

பிரித்தானியாவில் இம்மாத இறுதியில் நடைபெறவுள்ள சுதந்திர தமிழீழ தனியரசுக்கான கருத்துக்கணிப்பு வாக்கெடுப்பிற்கான வாக்களிப்பு நிலையங்களின் விபரங்கள் வெளிவந்துள்ளன.

சுதந்திர தமிழீழ தனியரசுக்கான ஆணையை 34 ஆண்டுகளின் முன் வட்டுக்கோட்டை பிரகடனத்தின் மூலம் தெரியப்படுத்தியிருக்கும் நிலையில் அதையே இன்றும் ஒட்டுமொத்த தமிழர்களும் விரும்புகின்றனர் என்பதை மீண்டும் ஒரு முறை இந்த கருத்துக்கணிப்பு வாக்கெடுப்பு மூலம் உறுதி செய்து அந்த ஆணையை சர்வதேசத்தின் முன் வைத்து சுதந்திர தமிழீழ தனியரசை உருவாக்கும் நோக்கோடு உலகெங்கும் இக்கருத்துக்கணிப்பு மேற்கொள்ளப்பட்டு வருகிறது.

இதன் வரிசையில் எதிர் வரும் 30-01-2010 (சனிக்கிழமை) மற்றும் 31-01-2010 (ஞாயிற்றுக்கிழமை) ஆகிய தினங்களில் நடைபெறவுள்ள இக்கருத்துக்கணிப்பு வாக்கெடுப்பில் பிரித்தானியா வாழ் தமிழ்மக்கள் அனைவரும் தவறாது வாக்களித்து தமது வரலாற்றுக் கடமையை செய்ய வேண்டும் என பல அமைப்புகள், தமிழ் உணர்வாளர்கள், அரசியல் வாதிகள், போன்றோர் கோரியிருப்பது மட்டுமன்றி அரசியல் ஆய்வாளர்கள் கூட இவ்வகையான தேர்தலில் ஒட்டுமொத்த தமிழர்களும் சுதந்திர தமிழீழ தனியரசை ஆதரித்து வாக்களித்தால் அது தமிழீழம் உருவாகுவதை விரைவுபடுத்தி தமிழீழம் மலரும் என கருத்துகள் தெருவித்துள்ளமை குறிப்பிடத்தக்கது.

பிரித்தானியாவில் நடைபெறும் இக்கருத்துக்கணிப்பு வாக்கெடுப்பிற்கான வாக்களிப்பு நிலையங்கள் மக்களின் வசதி கருதி வெளியிடப்பட்டுள்ளது.

கீழே அழுத்தி விபரங்களை பெற்றுக்கொள்ளுங்கள்

"இலண்டன் வாக்குச்சாவடிகளின் விபரங்கள்"

pdf format

"இலண்டன் புறநகர் வாக்குச்சாவடிகளின் விபரங்கள்"

pdf format

"பிரித்தானிய தேர்தல் விதிமுறைகள்"

read more

பிரித்தானியாவில் தமிழீழத் தனியரசுக்கான கருத்துக்கணிப்பு

read more

23,24,30 திகதிகளில் சுவிஸ், நெதர்லாந்து,ஜேர்மனி, பிரித்தானியாவில் வட்டுக்கோட்டைத் தேர்தல் - காணொளிகள்

சுவிஸ் வட்டுக்கோட்டை தேர்தல்

http://www.tamilelection.ch/tamil/index.html

கெளத்தூர்மணி வேண்டுகோள்



நெதர்லாந்து வட்டுக்கோட்டை தேர்தல்

www.tamilverkiezing.nl

ஜேர்மனி வட்டுக்கோட்டை தேர்தல்

www.tamilmandate.de

பிரித்தானியா வட்டுக்கோட்டை தேர்தல்

www.vkr1976.org.uk

read more

யேர்மனியில் எதிர்வரும் 24ம் நாள் தமிழீழத் தனியரசுக்கான கருத்துக்கணிப்பு வாக்கெடுப்பு இணைத்தவர் : தேர்தல் குழு

அன்பார்ந்த யேர்மன்வாழ் தமிழீழ மக்களே!

தமிழீழ தாயகத்தைக் களமாகவும், தளமாகவும் கொண்டு கடந்த ஆறு தசாப்தங்களாக முன்னெடுக்கப்பட்டு வந்த தமிழீழ தேசிய விடுதலைப் போராட்டத்தை அடுத்த படிமுறை நோக்கி நகர்த்திச் செல்வதற்கான பெரும் கடப்பாட்டை இன்று நாம் அனைவரும் சுமந்துநிற்கின்றோம். பிரபஞ்ச உரிமை என்று நவநாகரீக உலகம் போற்றிப்பூசிக்கும் மனித உரிமைகள் முற்றாக மறுதலிக்கப்பட்டு, தமது வரலாற்றுத் தாயகத்தில் ஏதிலிகளாகவும், திறந்தவெளிச் சிறைக்கைதிகளாகவும் வாழும் நிர்ப்பந்தத்திற்குள் தமிழீழ தாயக உறவுகள் தள்ளப்பட்டுள்ள நிலையில் அவர்களின் அரசியல் அபிலாசைகளை உலகிற்கு எடுத்துரைப்பதற்கும், இடித்துரைப்பதற்குமான சக்தியாக இன்று புலம்பெயர்வாழ் ஈழத்தமிழர்களாகிய நாம் எழுந்துநிற்கின்றோம்.

பொதுவான மொழி, வரலாற்றுத் தாயகம், வரலாறு, எதிரி போன்ற அடிப்படைக் பண்பியல்புகளைக் கொண்ட ஒரு இனத்தை தேசிய இனமாக பன்னாட்டு அரசறிவியல் விழுமியங்கள் வரையறைசெய்வதோடு, தமது அரசியல் தலைவிதியைத் தாமே நிர்ணயித்து, இறையாண்மை பொருந்திய சுதந்திரத் தனியரசை நிறுவுவதற்கான தன்னாட்சியுரிமையை அவ்வாறான தேசிய இனங்களின் உரித்துடமையாக ஐக்கிய நாடுகள் சபை அங்கீகரிக்கின்றது. இந்த வகையில், தமிழ் மொழியைத் தமது பொதுவான மொழியாகவும், ஈழத்தீவின் வடக்கு – கிழக்கைப் புவியியல் மையமாகக் கொண்டுள்ள தமிழீழத்தை தமது வரலாற்றுத் தாயகமாகவும், வரலாற்றுக்கு முந்திய காலத்திற்கு முன்னரான தொன்மைமிக்க வரலாற்றையும், பொதுவான எதிரியையும் எதிர்கொள்ளும் தேசிய இனம் என்ற தகுதியை தமிழீழ தேசம் தன்னகத்தே கொண்டுள்ளது. இதுவே தமது அரசியல் தலைவிதியைத் தாமே நிர்ணயித்து, இறையாண்மை பொருந்திய சுதந்திரத் தமிழீழ தனியரசை ஈழத்தமிழினம் நிறுவுவதற்கான பன்னாட்டு அங்கீகாரம்பொருந்திய உரிமமாகத் திகழ்கின்றது.

ஈழத்தீவை விட்டு ஆங்கில ஏகாதிபத்தியம் அகன்றபின்னர் ஏறத்தாள மூன்று தசாப்தங்களாக முன்னெடுக்கப்பட்ட அகிம்சைவழி தழுவிய காந்தியப் போராட்டம் சிங்கள இனமேலாதிக்க அடக்குமுறையால் நசுக்கப்பட்ட நிலையில் எழுச்சிபெற்ற ஆயுதவழி தழுவிய தமிழீழ தேசிய விடுதலைப் போராட்டத்திற்கு சனநாயக ஆணைவழங்கிய மாபெரும் வரலாற்றுப் பிரகடனமாக வட்டுக்கோட்டைத் தீர்மானம் விளங்குகின்றது. இதன் மீதான சனநாயக பொதுக்கருத்து வாக்கெடுப்பை புகலிட தேசங்களில் நிகழ்த்தி, எமது அரசியல் வேணவாவை மீண்டுமொரு தடவை உலக சமூகத்திற்கு எடுத்தும், இடித்தும் உரைத்து, தமிழீழ தேசத்தின் அரசியல் உரிமைகளை வென்றெடுப்பது எமது இன்றைய முதன்மை வரலாற்றுப் பணியாகத் திகழ்கின்றது.

இந்த வரலாற்றுக் கடப்பாட்டிற்கு செயல்வடிவம் கொடுக்கும் வகையில் அண்மைய மாதங்களாக நிகழ்ந்தேறி வரும் மீள்வாக்கெடுப்புக்களின் தொடர்ச்சியாக, யேர்மன் தேசத்திலும் இம்மாதம் 24ஆம் நாள் ஞாயிற்றுக்கிழமையன்று (24.01.2010) இவ்வாறான பொதுக்கருத்து வாக்கெடுப்பை நிகழ்த்துவதற்கு முடிவு செய்யப்பட்டுள்ளது. இதற்கென பூர்வீக யேர்மனிய கண்காணிப்பாளர்களையும், பதிவாளர்களையும் உள்ளடக்கிய சுயாதீன தேர்தல் குழுவொன்று அமைக்கப்பட்டிருப்பதோடு, தமிழ் மக்கள் செறிந்துவாழும் நகரங்கள் தோறும் வாக்குப் பதிவுநிலையங்களும் ஒழுங்கமைக்கப்பட்டுள்ளன.

இதில் பங்கேற்று, தங்களது வாக்குகளைச் செலுத்தி, சுதந்திரமும், இறையாண்மையும் பொருந்திய தமிழீழ தனியரசை நிறுவி மாவீரர்களினதும், மானச்சாவெய்திய மக்களினதும் கனவை நனவாக்குவதற்கான ‘மக்கள் ஆணையை’ உறுதிசெய்யுமாறு அனைத்து யேர்மன்வாழ் தமிழீழ உறவுகளுக்கும் அன்புடன் அறைகூவல் விடுக்கின்றோம்.
‘தமிழரின் தாகம் தமிழீழத் தாயகம்’

தேர்தல் குழு – யேர்மனி

தொடர்புகளுக்கு:
தொலைபேசி: 017628452181

மின்னஞ்சல்: mandate2009@gmail.com

இணைய முகவரி: www.tamilmandate.de

read more

நெதர்லாந்தில் எதிர்வரும் 24ஆம் நாள் தமிழீழத் தனியரசிற்கான கருத்துக்கணிப்பு வாக்கெடுப்பு

ஈழத்தமிழர்கள் பாதுகாப்பாகவும் சுதந்திரமாகவும் சகலஉரிமைகளையும் பெற்று வாழ்வதற்கு சிறந்த ஒரேதீர்வான, தமிழீழத் தனியரசிற்கான கருத்துக்கணிப்பு வாக்கெடுப்பு நெதர்லாந்தில் எதிர்வரும் 24ஆம் நாள் (24-01-2010) ஞாயிற்றுக்கிழமை பலநகரங்களில் நடைபெறவுள்ளது.

இது தொடர்பாக நெதர்லாந்து தேர்தல் குழு விடுத்துள்ள அறிக்கை வருமாறு:-
அன்பார்ந்த நெதர்லாந்துவாழ் தமிழீழமக்களே! 

ஈழத்தமிழர்கள் பாதுகாப்பாகவும் சுதந்திரமாகவும் சகலஉரிமைகளையும் பெற்று வாழ்வதற்கு சிறந்த ஒரேதீர்வானது, இலங்கைத் தீவில் எமது பாரம்பரிய தாயக நிலப்பரப்பில் தன்னாட்சியும் இறைமையுமுள்ள தமிழீழத் தனியரசை அமைப்பதுதான் என்ற வட்டுக்கோட்டைத்தீர்மானத்தை ஏற்று, 1977இல் இலங்கைத் தீவில் நடந்த தேர்தலில் எமது மக்கள் அமோக ஆதரவளித்து வாக்களித்து அங்கீகரித்திருந்தார்கள்.

ஆனால், மீண்டும் ஒரு தேர்தல் மூலம் தமிழீழத் தனியரசுதான் தமிழ் மக்களிற்கான சிறந்த அரசியல் தீர்வென மீண்டும் உறுதிப்படுத்த வேண்டிய வரலாற்றுக் காலத் தேவை இன்று எம்முன் எழுந்துள்ளது.

இன்று, எமது தாயகத்தில் இத்தேர்தலை நடாத்துவதற்குரிய நல்ல சூழலும் இல்லை. இதை நடாத்துவதற்கு எந்த சக்திகளும் தயாராகவும் இல்லை.

எனவே, நெருக்கடியான இன்றைய காலகட்டத்தில், தாயகத்தில் சிங்கள இனவாதஅரசின் பாரிய தமிழினப் படுகொலைகளிற்கு முகம்கொடுத்து, முட்கம்பி வேலிகளிற்குள்ளும் வெளியிலும் மனித உரிமைகள் மறுக்கப்பட்டு ஏதிலிகளாகவும் திறந்தவெளிச் சிறைக்கைதிகளாகவும் அவலவாழ்வை வாழும் நிர்ப்பந்தத்திற்குள் தள்ளப்பட்டுள்ள எமது மக்களினது அரசியல் தலைவிதியைத் தீர்மானிக்க வேண்டிய பாரிய பொறுப்பிலிருந்து புலம்பெயர்ந்த தமிழீழ மக்களாகிய நாம் விலகிச் சென்றுவிட முடியாது.

இன்று, ஆயுதப் போராட்டம் ஓய்வுநிலைக்கு வந்தாலும் தமிழர்களின் நியாயபூர்வமான போராட்ட வரலாற்றுச் சக்கரத்தை சனநாயக வழியில் முன்னோக்கி நகர்த்தவேண்டிய பாரிய பொறுப்பு புலம் பெயர்ந்த தமிழீழ மக்களாகிய எம்மிடம் ஒப்படைக்கப்பட்டுள்ளது

இதனடிப்படையிலேயே, நோர்வே, பிரான்ஸ், கனடா போன்ற நாடுகளில் அண்மையில் நடைபெற்ற இவ்வாக்கெடுப்புகளில், 99 வீதத்திற்கும் அதிகமான தமிழ் மக்கள் தமிழீழத் தனியரசுதான் சரியான ஒரே தீர்வென வாக்களித்து, எமது இனத்தின் விடிவிற்கான வரலாற்றுக் கடமையை சரிவரச் செய்துள்ளார்கள். 

இதன் தொடர்ச்சியாக, நெதர்லாந்திலும் எதிர்வரும் 24ஆம் நாள் (24-01-2010) ஞாயிறன்று, பலநகரங்களில், தமிழீழத் தனியரசிற்கான கருத்துக் கணிப்பு வாக்கெடுப்பு நடைபெறவுள்ளது.

இதில் பங்கேற்று, தங்களது வாக்குகளைச் செலுத்தி, சுதந்திரமும் இறைமையுமுள்ள தமிழீழத் தனியரசுதான் நமது தீர்ப்பு என மக்கள் ஆணையை வழங்க, அனைத்து நெதர்லாந்து வாழ் தமிழீழ உறவுகளிற்கும் அன்புடன் அறைகூவல் விடுக்கின்றோம்.

“தமிழர்களின் தாகம் தமிழீழத்தாயகம்”

தேர்தல் குழு - நெதர்லாந்து
தொடர்புகட்கு: 06 84522939

மின்னஞ்சல்: tamilverkiezing@gmail.com
இணையத்தளம்: www.tamilverkiezing.nl

read more

சுவிசில் எதிர்வரும் 23, 24ம் திகதிகளில் சுதந்திர தமிழீழத்திற்கான கருத்துக் கணிப்பு வாக்கெடுப்பு

தமிழீழம் என்பது மக்கள் ஆணை!! அளப்பரிய இழப்புக்கள் சொல்லொணா துன்பங்கள் மதிப்பிட முடியா அழிவுகளை எல்லாம் தாங்கி இன்று தமிழர்களின் அரசியல் எதிர்காலம் ஒரு திருப்பு முனையை வந்தடைந்துள்ளது.

இந்த அர்ப்பணிப்புக்கள் அனைத்தையும் எமது எதிர்கால சுபீட்சமான வாழ்விற்கான உரமாக்க வேண்டிய காலப்பணி இன்று எம்முன் எழுந்து நிற்கின்றது! அன்றும் இன்றும் என்றும் தமிழரின் தாகம் தனித்தமிழீழமே என்பதை இந்த உலகிற்கும் தமிழர்களை ஏமாற்றி ஏப்பம் விட நினைக்கும் அனைத்து ஆதிக்க சக்திகளிற்கும் துல்லியமாக பறைசாற்ற வேண்டிய நேரமிது!

இந்த காலப்பணியை செய்திட சுவிஸ் நாட்டின் பல பொது அமைப்புக்களும் நேற்று முன்தினம் (02.01.2010) ஒன்றுகூடி தமிழீழம் என்பது மக்கள் ஆணை என்பதை அறிவிக்கும் பொருட்டு சுவிஸ் நாட்டில் ஒரு பொது கருத்துக்கணிப்பை நிகழ்த்தும்படி ஒரு தேர்தல் குழுவை உருவாக்கியுள்ளனர்!

இந்த ஒன்றுகூடலில் இளைய தலைமுறையினர் மிகவும் ஆர்வமாக கலந்து கொண்டு தமிழ் மக்களின் அரசியல் அபிலாசைகளை இவ்வண்ணம் முன்னெடுத்துச் செல்வதற்கு தமது கல்விசுமையையும் தாண்டி களமிறங்கியிருப்பது வருகை தந்திருந்த 40ற்கும் மேற்பட்ட முக்கியஸ்தர்களை கவர்ந்திருந்தது. சுவிஸ் நாட்டில் தமிழீழ ஆணைக்கான வாக்கெடுப்பு இத்தைத்திருமாதத்தில் 23ஆம் 24ஆம் திகதிகளில் சகல மாநிலங்களிலும் முன்னெடுக்கப்பட இருப்பதை தேர்தல்குழு இத்தால் அறிவிக்கின்றது.

இப்பணிக்கு எமது மக்கள் சகல பேதங்களையும் மறந்து தமிழீழ தாயை மட்டும் நெஞ்சில் நிறுத்தி இப்பணிக்கு தமது பூரண ஒத்துழைப்பை நல்க வேண்டும் என வேண்டுகின்றோம். இனி வரும் எமது அனைத்து அரசியல் வேலைகளிற்குமான அடித்தளம் இவ்வாக்கெடுப்பு என்பதை நமது மக்கள் புரிந்து கொள்ள வேண்டும். 1977 ம் ஆண்டில் நடைபெற்ற சுதந்திர தமிழீழத்திற்கான சர்வசன வாக்கெடுப்பிற்கு பின்னர் சுதந்திரமாக நாம் வாக்களிக்க இருக்கும் தேர்தல் களம் இது என்பதை உணருங்கள்!

ஐனநாயக வழியில் மக்களால் மக்களிற்காக நடத்தப்படுகின்ற இவ்வாக்கெடுப்பில் எமது பங்களிப்பு தான் எமது அரசியல் எதிர்காலத்திற்கான காத்திரத்தை நிர்ணயிற்க போகின்றது.

வாருங்கள் மக்களே இதுவும் ஒரு போராட்ட களம் தான்!

உங்கள் வாக்குகளே தமிழர்களின் சுபீட்சமான வாழ்வை நிர்ணயிக்கப்போகின்ற முக்கிய காரணி. எமது தாயக உறவுகளினதும் புலம்பெயர்ந்துள்ள எங்களினதும் எதிர்காலம் சகல விதத்திலும் வளம்பெற எமது முதலாவது அரசியல் பணியை செய்வோம்!!

எமது தேர்தல் நடவடிக்கைகள் சார்ந்த சகல தகவல்களையும் எமது இணையத்தளத்தில்

நீங்கள் நேரடியாக (http://www.tamilelection.ch/) பெற்றுக்கொள்ளும்படி தாழ்மையுடன் வேண்டுகின்றோம்.

மக்கள் சக்தியே மாபெரும் சக்தி!

பலம் தாருங்கள் அமைப்போம் எமது தேசம்!!

சுவிஸ் தேர்தல் குழு

துவாரகன்: 078 905 4718

குருபரன்: 079 308 0669

read more

சுதந்திர தமிழீழத்திற்கான கருத்துக் கணிப்பு வாக்கெடுப்பு

read more

பிரித்தானிய வாக்கெடுப்பில் பெரும்பான்மைத் தீர்வை உலகுக்கு உணர்த்த வேண்டும்: தமிழ் தேசிய சபை

பிரித்தானியா வாழ் தமிழ் பேசும் மக்களே!

நாமும், நமது உற்றார் உறவினர்களும், எமது சொந்த பந்தங்களினதும், ஈழ உறவுகளினதும் இறைமைக்காகவும், ஜனநாயக உரிமைக்காகவும், சுதந்திரத்திற்காகவும், பூர்வீக நிலத்தில் சுயநிர்ணயத்துடன் வாழ்வதற்காகவும் வரப்போகும் தை மாதம் 30ம் திகதி நடக்கவிருக்கும் கருத்துக்கணிப்பு வாக்கெடுப்பில் கலந்து கொண்டு எமது பெரும்பான்மைத் தீர்வை உலகுக்கு உணர்த்த வேண்டும்.

இதுவே ஈழத்தில் வாழும் உங்கள் உறவுகளுக்காக நாங்கள் செய்யும் ஒப்பற்ற கடமையும், உதவியுமாகும்.

தமிழ் தேசிய சபை

www.vkr1976.org.uk

மேலதிக தொடர்புகளுக்கு:

ஸ்ரீரஞ்சன்: 07841 522514

இரகுநாதி: 07807 108318

பரமகுமரன்: 07958 507010

read more

31 வாக்களிப்பு நிலையங்களில் டிசம்பர் 19ல் கனடிய தமிழர் வாக்களிப்பு

www.tamilelections.ca

ஈழத்தமிழரின் நிலையாக முடிவான இறைமையும் சுதந்திரமும் கொண்ட தமிழீழத் தாயகம் என்பதை வலியுறுத்திய வரலாற்றுத் தீர்மானமான வட்டுக்கோட்டைத்தீத்மானத்தின் இன்றைய ஏற்புடைமையைத் தீர்மானிக்கும் புலம்பெயர்ந்த் தமிழரின் பெரும் முயற்சியின் பெரும் அங்கமாக புலம்பெயர்ந்த ஈழத்தமிழர்களில் பெரும் எண்ணிக்கையில் வாழும் கனடா தேசத்தில் நாடு தழுவிய வாக்கெடுப்பு கனடா வாழ் ஈழத்தமிழ் மக்கள் மத்தியில் வரும்

இவ்வாக்குக்கணிப்பிற்கான பூர்வாங்க வேலைகள் முடிவடைந்துள்ளதாகவும், வாக்குக்கணிப்பை சிறப்புற நடாத்த கனடா வாழ் தமிழ் மக்களை, உடன் வாக்காளர் பதிவில் தம்மை உட்படுத்துமாறும் தமிழர் தேர்தலுக்கான கனடிய கூட்டமைப்பு வேண்டுகோள் விடுத்துள்ளது.

ஏதிர்வரும் 19ஆம் நாள் சனிக்கிழமை கனடா தழுவி நடைபெறவுள்ள வட்டுக்கொட்டைத் தீர்மானம் மீதான வாக்குக்கணிப்பு 31 வாக்களிப்பு நிலையங்களில் நடைபெறவுள்ளதாக தமிழர் தேர்தலுக்கான கனடிய கூட்டமைப்பு அறிவித்துள்ளது.

தமிழர்கள் அதிகமாக வாழும் ரொரன்ரோ பெரும் பாகத்தில் மட்டும் 20 வாக்களிப்பு நிலையங்கள் அமையவுள்ளன. மற்றும் மொன்றியல், ஒட்டாவா, வன்கூவர், கல்கரி, எட்மிண்டன், வோட்டலூ, வினிப்பெக், கோன்வல், கலிபக்ஸ் போன்ற கனடாவின் பாரிய நகரங்களிலும் வாக்களிப்பு நிலையங்கள் அமையவுள்ளன.

காலை 9 மணி முதல் மாலை 9 மணிவரை தொடர்ச்சியாக 12 மணித்தியாளங்கள் மக்கள் வாக்களிக்கும் ஒழுங்குகள் செய்யப்பட்டுள்ளதாகவும் தமிழர் தேர்தலுக்கான கனடிய கூட்டமைப்பு மேலும் அறிவித்துள்ளது.

அத்துடன் வாக்களிக்க வரும்போது மக்கள் கொண்டு வரவேண்டிய அடையாள ஆவணங்கள் குறித்தும் அவ்வமைப்பு மேலும் அறிவித்துள்ளது.

Please Bring One of the Following Documents for Voting Canadian Citizens: Canadian Permanent Resident:

- Canadian Passport - Sri Lankan Passport - Canadian Travel Document - Canadian Permanent Resident Card - Sri Lanka Birth Certificate - Birth Certificate (Outside of Sri Lanka) - Sri Lankan National ID card - Driver’s Licence - Health Card Convention Refugee or Refugee Claimant: - Canadian Immigration Document - Sri Lanka Birth Certificate - Sri Lankan National ID card - Driver’s Licence - Health Card

அது குறித்த விபரங்களையும், வாக்களிப்பு நிலையங்களின் விபரங்களையும் அவ்வமைப்பின் இணையத்தளம் www.tamilelections.ca இல் நீங்கள் பார்க்கலாம்.

ONTARIO

Greater Toronto Area (GTA)

Downtown
Region Park
237 Sackville Street
(Dundas St. & Parliament St)
Toronto ON.
-------------------------------------------------------------------------------

Lansdowne
20 Wade Ave
(Bloor St. West & Lansdowne Ave)
Toronto ON.
-------------------------------------------------------------------------------

North York

30 Gordon Mackay Road.
(Jane St & Wilson Ave.)
North York ON
-------------------------------------------------------------------------------

Etobicoke

North Kipling Junior Middle School
2 Rowntree Rd
Etobicoke, ON.
-------------------------------------------------------------------------------

Mississauga

Mississauga Community Center
1275 Mississauga Valley Blvd
(Burnhamthorpe Rd East. & Hurontario St.)
Mississauga. ON
-------------------------------------------------------------------------------

Brampton

Ellen Mitchell Recreation Center
922 North Park Dr
(Dixie & North Park Drive)
Brampton, ON
-------------------------------------------------------------------------------

Scarborough

Scarborough Southwest
Bond Academy
720 Midland Ave
(Midland & Eglinton Ave. East)
Scarborough, ON
-------------------------------------------------------------------------------

Scarborough Guildwood
Cedar brook community center
91 Eastpark Blvd,
Markham & Lawrence Ave. East)
Scarborough. ON
-------------------------------------------------------------------------------

Scarborough Centre
Mcgregor community center
2231 Lawrence Ave East
(Kennedy Rd & Lawrence Ave. East)
Scarborough. ON
-------------------------------------------------------------------------------

Scarborough East – Pickering
St. Anne's Ukrainian Orthodox Church
525 Morrish Road,
(Ellesmere Rd & Morrish Rd)
Scarborough, ON
-------------------------------------------------------------------------------

Scarborough Agincourt
St Elizabeth seton catholic school,
25 Havenview Rd,
(Sheppard Ave. East & Markham),
Scarborough. ON
-------------------------------------------------------------------------------

Scarborough Rouge River
Mary Shadd Public School
135 Hupfield Trail
(Mclevin Ave. & Neilson Rd)
Scarborough, ON
-------------------------------------------------------------------------------

YORK REGION

Richmond Hill
Langstaff Community Centre
155 Red Maple Road,
(Hwy 7 & Yonge St)
Richmond Hill, ON

Richmondhill Ganesha Temple
10865 Bayview Ave.
(Bayview Ave & Elgin Mills Rd East)
Richmond Hill. ON
-------------------------------------------------------------------------------

Markham - Unionville

Aldergrove Public School
150 Aldergrove Dr.
(Brimley Rd & Steels Ave. East)
Markahm, ON

Cedarwood Public School
399 Elson Street
(Markham Rd & Elson St)
Markham, ON
-------------------------------------------------------------------------------

Markham - Oakridge
Mount Joy Public School
281 Williamson Road,
(Markham Rd & Bur Oak Ave)
Markham, ON
-------------------------------------------------------------------------------

Maple

Maple community centre
10190 Keele Street, room#3
(Major Mackenzie Dr. & Keele St)
Maple, ON
-------------------------------------------------------------------------------

Vaughan

Dufferin Clark community centre
1441 Clark Ave West,
(Dufferin St & Steels Ave. West)
Thornhill, ON
-------------------------------------------------------------------------------

Ajax – Pickering - Whitby

McLean Community Centre
95 Magill Drive,
(Westney Rd. North & Kingston Rd)
Ajax, ON
-------------------------------------------------------------------------------

Waterloo

Christ Luthern Church Community Hall
445 Anndale Rd
Waterloo, ON
-------------------------------------------------------------------------------

Ottawa

Carleton University
Tory Building
1125 Colonel By Drive,
Ottawa, ON
-------------------------------------------------------------------------------

Cornwall

Sainte-Thérèse-de-Lisieux.
1304 rue Lisieux,
Cornwall, ON
-------------------------------------------------------------------------------

Montreal

Park Extension
419 Rue St-Roch
(Rue Jean-talon O & Boulevard De L’acadie)
Montreal, QC. H3N 1K2

Cote-des-Neiges
6767 Chemin de la Cote-des-Neiges
Centre de ressources communautaires
Cote-des-Neiges, Bureau 601-1
Montreal, QC. H3S 2T6

Pierrefond
9665 Gouin Blvd West
East Community Center
H8Y 1R4
-------------------------------------------------------------------------------


ALBERTA

Edmonton
Duggan community hall
3728 - 106 Street
Edmonton, Alberta
T6J 6M7
-------------------------------------------------------------------------------

Calgary
Calgary Forest Lawn Community League
4020 26th Avenue Southeast
Calgary Alberta
T2B 0C9
-------------------------------------------------------------------------------

MANITOBA

Winnipeg
BLESSED KATERI CHRUCH,
548 Home St.
Winnipeg, Manitoba
R3G 1X7
-------------------------------------------------------------------------------

NOVA SCOTIA

Halifax
St Thomas church
5900 Inglis St
Halifax, NS
-------------------------------------------------------------------------------

BRITH COLOMBIA

Vancouver
Student Union Building
South Concourse A
6138 Student Union Boulevard
University of British Columbia
Vancouver

read more

டிசம்பர் 19ஆம் நாள் கனடா தழுவிய தமிழ் மக்கள் வாக்குக்கணிப்பு

www.tamilelections.ca

ஈழத்தமிழரின் நிலையாக முடிவான இறைமையும் சுதந்திரமும் கொண்ட தமிழீழத் தாயகம் என்பதை வலியுறுத்திய வரலாற்றுத் தீர்மானமான வட்டுக்கோட்டைத்தீத்மானத்தின் இன்றைய ஏற்புடைமையைத் தீர்மானிக்கும் புலம்பெயர்ந்த் தமிழரின் பெரும் முயற்சியின் பெரும் அங்கமாக புலம்பெயர்ந்த ஈழத்தமிழர்களில் பெரும் எண்ணிக்கையில் வாழும் கனடா தேசத்தில் நாடு தழுவிய வாக்கெடுப்பு கனடா வாழ் ஈழத்தமிழ் மக்கள் மத்தியில் வரும் டிசம்பர் 19ஆம் நாள் சனிக்கிழமை காலை 9 மணி முதல் மாலை 9 மணிவரை நடைபெறவுள்ளதாக அறிவிக்கப்பட்டுள்ளது.

இவ்வாக்குக்கணிப்பிற்கான பூர்வாங்க வேலைகள் முடிவடைந்துள்ளதாகவும், வாக்குக்கணிப்பை சிறப்புற நடாத்த கனடா வாழ் தமிழ் மக்களை, உடன் வாக்காளர் பதிவில் தம்மை உட்படுத்துமாறும் தமிழர் தேர்தலுக்கான கனடிய கூட்டமைப்பு வேண்டுகோள் விடுத்துள்ளது.

புதிவிற்கும் தொடர்புகளுக்கும்,www.tamilelections.ca என்ற இணையத்தளத்திற்கு செல்லுமாறு கனடியத் தமிழர்கள் வேண்டப்படுகின்றனர்.

நாடு தழுவி அமையவுள்ள வாக்களிப்பு நிலையங்கள் குறித்த விபரங்கள் விரைவில் அறியத்தரப்படும் எனவும் தமிழர் தேர்தலுக்கான கனடிய கூட்டமைப்பு அறிவித்துள்ளது.

read more