நாடு கடந்த அரசை வலுப்படுத்தும் முதலாவது கூட்டம் ரொரன்ரோவில் நாளை

1976ல் வட்டுக்கோட்டைத் தீர்மானம்

1977ல் தேர்தலில் தமிழர் தீர்ப்பு

1985ல் 'திம்புக் கோட்பாடு

2004ல் த.தே.கூ தேர்தல் கொள்கை

தமிழீழ தாயக விடுதலையை முன்னகர்த்தும் புலம்பெயர்ந்த தமிழரின் பெருமுயற்சியாக நிலையான முடிவைப் பலமாக்க கனடியத் தமிழர் வாக்கெடுப்பு.

முதலாவது கூட்டம்

விளக்கம் - கருத்துப் பரிமாற்றம் - கலந்துரையாடல்

நாடு கடந்த அரசை வலுப்படுத்தும் முதற்படி புலம்பெயர்ந்த தமிழரின் சனநாயக ஆணையை பெற்று நகரும் தேசியப்பயணம் ஈழத்தமிழர்கள் 30 ஆண்டுகளுக்கு முன்னர் எடுத்த முடிவுக்கு வடிவம் கொடுப்பதற்காக கனடிய மண்ணில் நடத்தப்பவிருக்கும் அனைத்துத் தமிழர்களும் பங்கேற்கும் வாக்கெடுப்புத் தொடர்பான இக்கூட்டத்தில் அனைவரையும் பங்கேற்குமாறு அழைக்கின்றோம்.

ஆரோக்கியமான கருத்துப் பரிமாற்றமும் கலந்துரையாடலும் இன்றைய காலகட்டத்தில் தீர்க்கமான ஒரு முடிவை எடுப்பதற்கு அத்தியாவசியம்

2009 செப்ரெம்பர் 20, ஞாயிற்றுக்கிழமை
மாலை 5-8 மணி வரை
கனடா கந்தசாமி கோவில் மண்டபத்தில் கூட்டம் நடைபெறும்.

கனடியத் தமிழ் மாணவர் சமூகம்
கனடியத் தமிழ் சமூகம்.

read more

சுவிசில் மனிதச் சங்கிலிப் போராட்டம்

read more

பிரித்தானியாவில் 3 ஆவது வெள்ளிக்கிழமையாக தொடர் கவனயீர்ப்பு போராட்டம்.

சிறீலங்க அரசாங்கத்தின் திட்டமிட்ட இன அழிப்பில் அகப்பட்டு உயிருடன் தப்பித்த போதும் தங்கள் சொந்த இடங்களில் வாழ முடியாமல் சிறீலங்க அரசாங்கத்தின் வதை முகாம்களில் அல்லல் படும் மக்களை விடுவிக்க கோரி இன்று 3 ஆவது கிழமையாக பிரித்தானியா தமிழ் இளையோர் அமைப்பினர் மற்றும் மாணவர்களால் பிரித்தானிய பிரதமர் காரியாலயத்தின் முன்றலில் தொடர் கவனயீர்ப்பு போராட்டம் முன்னெடுக்கப்பட்டது.

வதைமுகாம்களின் முட்கம்பி வேலிக்குள் மக்கள் அல்லல் படும் காட்சியை அங்கு கூடியிருந்ததோர் மக்கள் தங்களை முட்கம்பிக்குள் அடைத்து வேற்றின மக்களுக்கு விவரித்தனர்.

சுற்றிவர முட்கம்பி வேலிகள் அமைத்து அதற்குள் இருந்து கொண்டு குரல் எழுப்பினார்கள் பிரித்தானியா வாழ் தமிழ் மக்கள். வேற்று இன மக்கள் ஏராளமானோரின் கவனர்த்தை இன்றைய முட்கம்பி வேலிப் போராட்டம் ஈர்த்துள்ளது. கடந்த மூன்று கிழமையாக கலந்துகொண்ட மக்களின் கையொப்பம் அடங்கிய கோரிக்கை மனு ஒன்றும் பிரித்தானிய பிரதமர் காரியாலயத்தில் மாலை 5 மணியளவில் தமிழ் இளையோர் அமைப்பு பிரதிநிதிகளால் ஒப்படைக்கப்பட்டது.

பிரதி வெள்ளிகிழமைகளில் நடைபெறவிருக்கும் இந்த தொடர் கவனயீர்ப்பு போராட்டத்தில் அனைத்து தமிழ் மக்களையும் கலந்துகொண்டு இந்த போராட்டத்திற்கு வழு சேர்க்கும் படி வேண்டுகின்றனர் தமிழ் இளையோர் அமைப்பினர்.

read more

கனடா கியூபெக்கில் நீங்காத நினைவுகள்.

read more

தியாகதீபம் திலீபன் அவர்களின் 22ம் ஆண்டு நினைவாகக் குருதிக்கொடை

தனது இனத்திற்கா ஆகுதியாகிய தியாகதீபம் திலீபன் அவர்களின் 22ம் ஆண்டு நினைவாகவும், வதை முகாம்களில் தடுத்து வைக்கப்பட்டுள்ள உறவுகளுக்கு நீதிகேட்டும்

பிரான்சு தமிழ் இளையோர் அமைப்பு முன்னெடுக்கும் குருதிக்கொடை வழங்கும் நிகழ்வானது

19.09.2009 சனிக்கிழமை காலை 09.00மணிக்கு நடைபெறவுள்ளது.

குருதிக்கொடை செய்ய விரும்புபவர்கள் 06.13.13.15.43 எனும் தொலைபேசி இலக்கத்துடன் தொடர்பு கொள்ளுமாறு தெரிவிக்கப்பட்டுள்ளது.

read more

ஈகைச்சுடர் லெப்.கேணல் திலீபனின் நினைவெழுச்சி நாட்கள் ஆரம்பம்!

இந்திய வல்லாதிக்கத்திற்கு எதிராகப் பட்டினிப்போர் தொடுத்து ஈகைச்சாவை அணைத்துக் கொண்ட ஈகைச்சுடர் லெப்.கேணல் திலீபன் அவர்களின் இருபத்திரண்டாம் ஆண்டு நினைவெழுச்சி நாட்கள் இன்று (15.09.2009) ஆரம்பமாகியுள்ளன.

தமிழீழ தேசியத் தலைவர் மேதகு வேலுப்பிள்ளை பிரபாகரன் அவர்களுக்கு வழங்கிய வாக்குறுதிகளை ரஜீவ் காந்தியின் தலைமையிலான பாரதப் பேரரசு நிறைவேற்றத் தவறிய நிலையில், ஐந்தம்சக் கோரிக்கைகளுடன் கடந்த 1987ஆம் ஆண்டு செப்ரம்பர் மாதம் 15ஆம் நாளன்று யாழ் நல்லூர் முருகன் ஆலய முன்றலில் பட்டினிப்போர் தொடுத்த ஈகைச்சுடர் லெப்.கேணல் திலீபன் அவர்கள், பன்னிரண்டு நாட்கள் நீராகாரமின்றி உண்ணாநோன்பிருந்து, இந்தியப் பேரரசால் வஞ்சிக்கப்பட்டுக் கோரிக்கைகள் எவையும் நிறைவேறாத நிலையில், 26ஆம் நாளன்று ஈகைச்சாவைத் தழுவிக் கொண்டார்.

ஈகைச்சுடர் லெப்.கேணல் திலீபன் அவர்கள் பட்டினிப்போர் தொடுத்ததன் இருபத்திரண்டாவது ஆண்டு நினைவெழுச்சி நாட்கள் இன்று தொடங்கியுள்ளன.

கடந்த ஆண்டு தமிழீழ விடுதலைப் புலிகளின் ஆட்சியின் கீழ் வன்னிப் பெருநிலப்பரப்பு இருந்த பொழுது, இதே நாளில் தமிழீழ தாயக நேரம் காலை 9:55 மணிக்கு சிறப்பாக ஒழுங்கமைக்கப்பட்ட இடங்கள் தோறும் பொதுச்சுடரேற்றப்பட்டு, தமிழீழ தேசியக் கொடியேற்றப்பட்டு, ஈகைச்சுடர் லெப்.கேணல் திலீபனின் திருவுருவப் படங்களுக்கு ஈகைச்சுடரேற்றி, மலர்மாலை சூட்டி, மலர்தூவி, அகவணக்கம் செலுத்தி நினைவு வணக்க நிகழ்வுகள் முன்னெடுக்கப்பட்டன.

இதனைத் தொடர்ந்து நாள்தோறும் வன்னிப் பெருநிலப்பரப்பெங்கும் தூய்மைப்படுத்தல் (சிரமதானம்) பணிகளும், இலவச மருத்துவப் பணிகளும் முன்னெடுக்கப்பட்டதோடு, நினைவெழுச்சி நாட்களின் இறுதி மூன்று நாட்களாகிய 24ஆம், 25ஆம், 26ஆம் நாட்களில் ஆலயங்கள், சிறப்பாக ஒழுங்கமைக்கப்பட்ட பந்தல்கள் போன்றவற்றில் காலை 8:00 மணி முதல் மாலை 4:30 மணி வரை அடையாள உண்ணாநோன்புகள் நிகழ்த்தப்பட்டன.

இறுதி நினைவெழுச்சி நாளாகிய 26ஆம் நாளன்று, ஈகைச்சுடர் லெப்.கேணல் திலீபன் அவர்கள் ஈகைச்சாவைத் தழுவிய நேரமாகிய காலை 10:48 மணிக்கு ஆலயங்கள், தேவாலயங்கள் தோறும் மணியொலி எழுப்பி மக்கள் வீரவணக்கம் செலுத்தினர். இதன் பின்னர் மாலை 4:30 மணி வரை கோட்ட – பிரதேச வாரியாக பொதுக்கூட்டங்களும், கலை நிகழ்வுகளும் இடம்பெற்றிருந்தன.

இதே பன்னிரண்டு நாட்களில் புலம்பெயர்வாழ் தேசங்களிலும் ஈகைச்சுடர் லெப்.கேணல் திலீபன் அவர்களின் நினைவாக பல்வேறு எழுச்சி நிகழ்வுகள் முன்னெடுக்கப்பட்டதோடு, தமிழீழ தாயகத்தின் ஆக்கிரமிக்கப்பட்ட பகுதிகளிலும், வனப்பகுதிகளிலும், சிறைகளிலும், தலைமறைவாகவும், தமது அகங்களில் சுடரேற்றியும் ஈகைச்சுடர் லெப்.கேணல் திலீபன் அவர்களை ஈழத்தமிழர்கள் நினைவுகூர்ந்தனர்.

தமிழீழ தாயகம் முழுவதும் தற்பொழுது சிங்களப் படைகளால் ஆக்கிரமிக்கப்பட்டு முட்கம்பி வேலி வதைமுகாம்களில் மூன்று இலட்சம் வன்னி மக்கள் சிறைவைக்கப்பட்டுள்ள நிலையில், ஈகைச்சுடர் லெப்.கேணல் திலீபனின் “மக்கள் புரட்சி” என்ற கனவுக்கு செயல்வடிவம் கொடுக்கும் பொறுப்பு புலம்பெயர்வாழ் தமிழீழ மக்களில் தோள்களில் தற்பொழுது முழுமையாக சுமத்தப்பட்டுள்ளது.

read more

நோர்வே தமிழீழ மக்களவை தொடர்பான கொள்கை விளக்க கருத்தரங்கு

நோர்வே தமிழீழ மக்களவை தொடர்பான கொள்கை விளக்க கருத்தரங்கும் விவாதமும் நோர்வேயில் அமைக்கப்படவுள்ள தமிழீழ மக்களவை தொடர்பான கொள்கை விளக்க கருத்தரங்குகள் மக்கள் மத்தியில் முன்னெடுக்கப்பட்டு வருகின்றன.

அதன் ஓர் அங்கமாக எதிர்வரும் 20-09-2009 அன்று மேற்படி மக்களவையின் கொள்கைகள் மற்றும் செய்றபாடுகள்; தொடர்பான விளக்க கருத்தரங்கும் அது பற்றிய விவாதமும் மக்களவையின் உருவாக்க குழுவினரால் நடாத்தப்படவுள்ளது.

இலங்கைத்தீவில் தமிழீழ மக்களின் அரசியல் பிரச்சினைகளுக்கான தீர்வாக ''சுதந்திரமும் இறைமையும் கொண்ட தனியரசு அமைய வேண்டும்'' என்பதனை மேற்படி மக்களவையானது தனது கொள்கையில் முக்கியமானதாக கொண்டுள்ளது. இக் கொள்கை இன்றய காலகட்டத்தில் ஏன் முக்கியம் பெறுகின்றது என்பது பற்றியும் மக்களவையின் யாப்பில் உள்ள ஏனைய முக்கிய விடயங்கள் பற்றியும் மேற்படி கருத்தரங்கில் விவாதிக்கப்படவுள்ளது.

இக் கருத்தரங்கிலும் விவாதங்களிலும் பங்குபற்ற விரும்பும் நோர்வே வாழ் ஈழத்தமிழ் மக்கள் எதிர்வரும் 17-09-2009 ற்கு முன்பாக கீழுள்ள இணையத்தள முகவரியில் அழுத்தி அதில் கேட்கப்பட்டுள்ள விபரங்களை முழுமையாக பூர்த்தி செய்து அனுப்பி வைக்கும்படி வேண்டுகின்றோம். பதிவு செய்வதற்கான இணையதள முகவரி www.ncet.no கிடைக்கின்ற விண்ணப்பங்களின் அடிப்படையில் விண்ணப்பித்தவர்களுக்கான அனுமதி அழைப்பிதழ்கள் எம்மால் உரியவர்களின் மின்னஞ்சல் முகவரிகளுக்கு அனுப்பி வைக்கப்படும்.

எம்மால் உறுதிப்படுத்தப்பட்டு அனுப்பப்பட்ட அழைப்பிதழ்களை கருத்தரங்கு நடைபெறும் மண்டபத்திற்கு தங்களுடன் தவறாது எடுத்துவரும்படி வேண்டுகின்றோம். மேற்படி மக்களைவை தெடர்பான விபரங்களை பின்வரும் இணையத்தள முகவரியில் பார்வையிடலாம். http://www.tamilvalg.com/index.html

கருத்தரங்கு நடைபெறும் இடம்:-

Tamilsk Ressurs- og Veiledningssenter (TRVS)
Nedre Rommen 3
0988 Oslo

திகதி:- 20.09.2009
நேரம்: பி.ப 2.00 - பி.ப 7.00

read more

கவனயீர்ப்புப் போராட்டம் ,டென்மார்க்

read more

தியாகி திலீபன், கேணல் சங்கர் நினைவு தினம் 20.09.2009: அவுஸ்திரேலியாவில்

read more

நோயுற்ற சிறார் அமைப்புக்கான ‘கனடியத் தமிழர் நிதி சேர் நடை’

அன்பான தமிழ் உறவுகளே !!


கனடியத் தமிழர் பேரவை ஒருங்கிணைக்கும் நோயுற்ற சிறார் அமைப்புக்கான 2009ஆம் ஆண்டின் ‘கனடியத் தமிழர் நிதி சேர் நடை’ நிகழ்விற் கலந்து கொண்டு உங்கள் பங்களிப்பினை வழங்குமாறு கனடியத் தமிழர் பேரவை உங்களை அன்புடன் அழைக்கின்றது. கனடாவாழ் தமிழ் மக்களின் இத்தகைய முன்னெடுப்பும் பங்களிப்பும் தமிழ் மக்கள் மீது நல்லெண்ணத்தையும் பெருமதிப்பையும் உருவாக்குவதுடன் எங்கள் சமூகத்தின் எதிர்காலத்திற்கு வலுச் சேர்ப்பதாயும் அமையும்.

செப்டெம்பர் 20ம் திகதி ஞாயிறு நடைபெறப்போகும் இந் நடைபவனியில் ஆயிரக்கணக்கான தமிழ் மக்கள் இணைந்து கொள்ள வேண்டும் என கனடிய தமிழர் பேரவை எதிர்பார்க்கின்றது. அரசியல் வாதிகளும் மற்றும் பல்வேறு சமூகதலைவர்களும் பங்கு பெறும் இந் நிகழ்வானது காலை 9 மணிக்கு Thomson Memorial Parkல் ஆரம்பித்து மதியம் 2 மணியளவில் Albert Campbell Square இல் நிறைவுபெறும்.

இடம்: Thomson Memorial Park ல் ஆரம்பித்து Albert Campbell Square இல் நிறைவுபெறும்.

காலம்: செப்டெம்பர் 20, ஞாயிறு
நேரம்: காலை 9 மணி – மதியம் 2 மணி

மேலதிக விபரங்களுக்கு:

(416) 240 – 0078 அல்லது http://www.canadiantamilcongress.ca/sickkids/


உங்கள் ஆதரவுக்கு நன்றி!

இங்ஙனம்,

கனடிய தமிழர் பேரவை

read more

கனடா கியுபெக்கில் நாளை "தாயக தாகம்" இலட்சிய வேட்கைக்கு உரமூட்டுவோம்

கனடாவின் கியுபெக் மாநிலத்தில் நாளை 12.09.2009 சனிக்கிழமை பிற்பகல் 2:00 மணிமுதல் இரவு 9:00 மணிவரை கியுபெக் தமிழர் சமூகமும் மாணவர் சமூகமும் இணைந்து முன்னெடுக்கும் “தாயக தாகம்” நிகழ்வு நடைபெற இருக்கின்றது.

தமிழினப்படுகொலை செய்துகொண்டிருக்கும் சிறீலங்கா அரசாங்கத்தை சர்வதேசக் குற்றவாளிக் கூண்டின் முன் நிறுத்துவோம்

வதை முகாம்களில் அவலப்படும்; எமது உறவுகளை மீட்டெடுத்து மீள் குடியேற்றுவோம்

சுயநிர்ணய உரிமையுடன் கூடிய எமது இலட்சிய வேட்கைக்கு உரமூட்டுவோம் எனும் சத்தியத்துடன் இந்நிகழ்வு இடம்பெற இருக்கின்றது.

இந்நிகழ்வில் மண்ணில் விதைத்த மரவர்களிற்கும் அன்னைமண் இழந்த தமிழ்ர்களுக்குமான வணக்க நிகழ்வும் ஓவியர் புகழேந்தியின் உயிர் உறைந்த நிறங்கள் ஓவியக்கண்காட்சியும் பேசமுடியாத உண்மைகள் எனும் வரலாற்று ஆவணக் கண்காட்சியும் வதைமுகாம் துயரத்தை எடுத்துச்சொல்லும் உலக ஊடகங்களின் பார்வைகளும் வதைமுகாம்களின் மாதிரிக் காட்சிப்படுத்தல்களும்
மற்றும் எழுச்சிக் கலை நிகழ்வுகளும் இடம் பெற இருக்கின்றது.

எமது இனம் மிகப்பெரும் நெருக்கடியைச் சந்தித்துக் கொண்டிருக்கும் இந்த வேளையில் உண்மைகளை உலகிற்கு எடுத்துச்சொல்லி பேரினவாத முகமூடியை கிழித்தெறிந்து சிங்கள தேசத்தின் சதிவலைகளை அறுத்தெறிந்து பொய்ப் பரப்புரைகளை பகுத்தறிந்து நாம் தமிழர் என்ற உணர்வோடு எமது தாயகம் தேசியம் தன்னாட்சியுரிமைக்கான எமது நீண்ட கடினமான பயணத்தில் எதிர்ப்படும் அத்தனை சவால்களையும் எதிர்கொண்டு தொடர்ந்து உறுதியுடன் பயணிக்க உறுதியெக்கும் முகமாக அனைவரும் அணிதிரளுவோம் என அழைப்பு விடுக்கப்பட்டுள்ளது.

read more

அவுஸ்திரேலிய தமிழர்களின் 'சுதந்திரத்துக்கான மாபெரும் அணிவகுப்பு'

ஐக்கிய நாடுகள் சபையிடமும் அனைத்துலக சமூகத்திடமும் மூன்று முக்கிய கோரிக்கைகளை முன்வைப்பதற்காக அவுஸ்திரேலிய மெல்பேர்ண் நகரில் 'சுதந்திரத்துக்கான மாபெரும் அணிவகுப்பு' எனும் கவனயீர்ப்பு பேரணி நடைபெறவுள்ளது.

இப்பேரணியை அவுஸ்திரேலிய தமிழ் இளையோர் அமைப்பினர், மெல்பேர்ணில் இயங்கும் தமிழ் அமைப்புக்களின் அனுசரணையோடு நாளை சனிக்கிழமை ஒழுங்கு செய்துள்ளனர்.

பேரணி காலை 10:00 மணிக்கு நகர மையப் பகுதில் உள்ள பெடரேசன் சதுக்கத்தில் (FEDERATION SQUARE ) தொடங்கி நகரின் முக்கிய பகுதிகளை கடந்து நாடாளுமன்ற முன்றலை கடந்து, மீண்டும் பெடரேசன் சதுக்கத்தை வந்தடையும்.

இந்த நிகழ்வின் இறுதியில் ஐக்கிய நாடுகள் சபையிடமும் (United Nations), அனைத்துலக சமூகத்திடமும் (IC) விடுக்கப்படவுள்ள மூன்று முக்கிய கோரிக்கைகளாவன:

1) பாதுகாப்பு வலயம் என்ற பகுதிக்குள்ளும் இடம்பெயர்ந்து செறிவாக அப்பாவி பொதுமக்கள் வாழும் பகுதிகள் மீதும் கண்மூடித்தனமான தொடர் எறிகணைத் தாக்குதல்களையும், வான் தாக்குதல்களையும் சிறிலங்கா அரசாங்கப் படைகள் மேற்கொள்வதை உடனடியாக தடுத்து நிறுத்த வேண்டும். அப்பாவி பொதுமக்களின் உயிருக்கான பாதுகாப்பு உடனடியாக உறுதிப்படுத்தப்பட வேண்டும்.

2) சிறிலங்கா இராணுவத்தினரின் கட்டுப்பாட்டு பகுதிக்கு வர விரும்பாமல், தங்கள் சொந்த மண்ணில் வாழ ஆசைப்படுகின்ற மக்களை, அவர்களின் விருப்பப்படியே உயிர்ப் பாதுகாப்போடு சுதந்திரமாக நிம்மதியாக வாழ வழி செய்யப்படவேண்டும். அவர்களுக்கான உணவுப்பொருட்களும், மருந்துப் பொருட்களும் உடனடியாக அனுப்பி வைக்கப்பட வேண்டும். இதனை ஐக்கிய நாடுகள் சபை உடனடியாக நடைமுறைப்படுத்த விரைந்து செயற்பட வேண்டும்.

3) சிறிலங்கா இராணுவ கட்டுப்பாட்டு பகுதிக்குள் அகப்பட்டு, வதை முகாம்களுக்குள் ஆயிரக்கணக்கான அப்பாவி பொதுமக்கள் சித்திரவதைக்கும், பாலியல் கொடுமைகளுக்கும் உள்ளாக்கப்படுகிறார்கள். அப்பாவித் தமிழ்ப்பெண்கள் பலர் பாலியல் சித்திரவதைகளுக்கு உள்ளாக்கப்பட்டு சாகடிக்கப்படுகிறார்கள். தமிழ் இளையோர் பலர் சுட்டுக்கொல்லப்பட்டு புதைக்கப்படுகிரார்கள். இவை உடனடியாக தடுத்து நிறுத்தப்பட்டு வதை முகாம்களுக்குள் வாழும் மக்கள் சுதந்திரமாக நடமாடவும் நிம்மதியாக வாழவும் வழி செய்யப்பட வேண்டும். இதனை உடனடியாக ஐக்கிய நாடுகள் சபை கருத்தில் கொண்டு துரித நடவடிக்கை எடுக்க வேண்டும்.

சுதந்திரத்துக்கான மாபெரும் அணிவகுப்பு

AUSTRALIAN TAMILS MARCH FOR FREEDOM

இடம்: FEDERATION SQUARE (next to Flinders Street station)
காலம்: SATURDAY 7TH MARCH 10:00AM - 1:00PM

இதேவேளை, 'அனைத்துலக மகளிர் நாளினை' முன்னிட்டு அவுஸ்திரேலியா மகளிர் அமைப்புக்களின் கூட்டமைப்பின் ஆதரவோடு நாளை மறுநாள் சோசலிச முன்னணி நெறிப்படுத்தும் மாபெரும் கவனயீர்ப்பு அணிவகுப்பு 'போருக்கு எதிரான பெண்கள்' என்ற தலைப்பில் நடைபெற இருக்கின்றது.

இந்நிகழ்வில் போரினால் மிகவும் பாதிக்கப்பட்ட பாலஸ்தீன, ஆப்கானிஸ்தான், ஈராக் ஆகிய சிறுபான்மை இன மக்களின் பெண்கள் எதிர்நோக்கும் பிரச்சினைகளுடன், ஈழத் தமிழ் பெண்கள் போரினால் அடையும் இன்னல்களையும் கருத்தில் கொண்டு, மெல்பேர்ண் வாழ் தமிழ்ப் பெண்மணிகளையும், குடும்பத்தவர்களையும் மற்றும் பெண் உரிமைவாதிகளையும் இந்த அணிவகுப்பில் கலந்து கொள்ளுமாறு தமிழீழ மகளிர் அமைப்பின் ஊடாக அழைப்பு விடுக்கப்பட்டுள்ளது.

பிற்பகல் 1:00 மணியில் இருந்து பிற்பகல் 3:00 மணி வரை நகர மையப் பகுதில் உள்ள விக்ரோரியா மாநில பொது நூலக முன்றலில் அணிவகுப்பு தொடங்கி நகரின் முக்கிய பகுதிகளை கடந்து விக்ரோரியா நாடாளுமன்ற முன்றலை சென்றடைய இருக்கின்றது.

எனவே, இந்த நிகழ்வின் ஊடாக முக்கியமாக தமிழின பெண்கள் போரினால் சந்திக்கும், அவலங்களையும் அவர்களின் அபிலாசைகளையும் இந்த அவுஸ்திரேலியா மண்ணில் வாழும் அவுஸ்திரேலிய மக்களுக்கும், அனைத்துலக அமைப்புக்களுக்கும், பொது ஊடகங்களுக்கும் எடுத்துக்காட்ட சகல தமிழ்ப் பெண்மணிகளையும், குடும்பத்தவர்களையும் திரண்டு வருமாறு கேட்டுக்கொள்ளப்படுகின்றீர்கள்.

read more

பிரான்ஸ், ஸ்ராஸ்பூர்க் நகரில் கண்டன ஒன்று கூடல்.

read more

சுவிசில் கண்டனப் பேரணி

read more

கனடா, அமெரிக்க துணைத்தூதுவராலயத்தின் முன்பாக நாளை மாபெரும் கவனயீர்ப்பு நிகழ்வு

வன்னியில் சிறிலங்கா அரசினால் மேற்கொள்ளப்பட்டுவரும் மனித அவலத்தை உடனடியாக தடுத்து நிறுத்த,சிறிலங்கா அரசிற்கு அழுத்தம் கொடுக்குமாறு அமெரிக்க அதிபர் ஒபாமாவை வேண்டி மாபெரும் கவனயீர்ப்பு நிகழ்வு நாளை (03-03-2009 ) செவ்வாய்க் கிழமை பி.ப 1:00 மணி தொடக்கம் மாலை 6:00 மணி வரை 360 UNIVERSITY AVENUE, (DUNDAS வீதிக்கும் QUEEN வீதிக்கும் இடையில்) வில் நடைபெறவுள்ளது.

பூமிப்பந்து முழுவதும் புலம்பெயர்ந்து வாழும் தமிழீழ உறுவுகள் அனைவரும் ஒன்றாய் ஒரே நாளில் தாம் வாழும் நாடுகளில் மேற்கொள்ளப்படும் மாபெரும் கவனயீர்ப்பு நிகழ்வில் கலந்துகொண்டு உறவுகளுக்காய் குரல் கொடுப்போம்!

உறவுகளே திரண்டு வாரீர்!

கனடியத் தமிழ் சமூகம்

read more